Resultados baloncesto 3x3

O sabado 27 disputouse no pavillón do IES A Sangriña a VI Edición do torneo de nadal 3x3. Nunha emocionante e disputada final impúxose o equipo da Swstica do Minho ó SOC por 10 tantos a 9. O 3º posto foi para A Guarda Basket e 4º para Juego Plástiko. Todos os resultados e clasificación están a disposición dos interesados neste enlace.

Dende o Concello da Guarda queremos agradecer a dedicación dos organizadores e a solidariedade mostrada por todos os participantes que posibilitaron coas súas aportacións a recollida de aproximadamente 100 kg de alimentos.

Swástica do Minho, vencedor VI Torneo Nadal 3x3

Resultados III Reunión Atlética Solidaria

Óscar Vicente Rodríguez (Garden Hotels) cun tempo de 0:33:55.24 e Rocío Rodríguez Martínez (Club Gimnástica Pontevedra) cun tempo de 0:39:10.18 foron os vencedores, nas categorías senior masculina e feminina respectivamnte, da III Reunión Atlética Solidaria que se disputou o domingo día 28 no Porto da Guarda. O evento, organizado porlo Concello da Guarda en colaboración coa Sociedade Atlética do Trega, e as asociacións Conrazones, San Vicente Paúl e Cruz Vermella posibilitou a recollida de algo máis de 600 kg de alimentos que serán entregados polas asociacións colaboradoras entre as familias necesidas da localidade. Desde o Concello da Guarda queremos agradecer as entidades colaboradoras, voluntarios e especialmente a todos os participantes nas distintas categorías da Carreira e na Andaina a solidariedade demostrada unha vez máis co pobo da Guarda.

Clasificacións

Torneo de nadal de baloncesto 3x3

O sábado 27 de decembro celebrarase unha nova edición do Torneo de Nadal de Baloncesto 3x3 que se rexe polas bases dispoñibles neste enlace. Os equipos integrados por un mínimo de catro e un máximo de 5 xogadoras ou xogadoras aportarán, en concepto de inscrición, alimentos que serán destinados ó Banco de alimentos do Concello. Os interesados poden formalizar a súa inscrición en http://www.reunalia.com/9818389 antes do 26 de decembro.