Un ano máis, e xa van dez, o Concello da Guarda acolleu un acto adicado a homenaxear e recoñecer aos deportistas da vila e os éxitos que acadaron durante a pasada tempada. A X Gala do Deporte Guardés celebrouse o pasado venres 3 de marzo, ás 20'30 horas, no Centro Cultural da Guarda.
Neste evento, conducido polo presentador Terio Carrera, entregáronse diversos premios e recoñecementos a deportistas de distintas disciplinas polos títulos conseguidos e polas súas traxectorias, ademais de por en valor destacadas iniciativas deportivas.
Os máis de 20 galardóns que se entregaron nesta velada incluían premios para os mellores deportistas individuais e para os mellores equipos; así como recoñecementos á mellor iniciativa deportiva, á promoción e dedicación ao deporte e á proposta innovadora.
O invitado que exerceu como padriño do evento foi Vladimir "Vlado" Gudelj, ex xogador do Real Club Celta de Vigo.
