III Carreira Solidaria

III REUNIÓN ATLÉTICA SOLIDARIA 2014 

O venres 28 de Novembro presentouse a III Reunión Atlética Solidaria que organiza o Concello da Guarda para o próximo domingo 28 de decembro. No acto estivo presente o Alcalde da Guarda, D. José Manuel Domínguez Freitas, e os concelleiros de Deporte e de Servizos Sociais xunto cos representantes das Asociacións colaboradoras.

Nesta edición contarase coa colaboración da Sociedade Atlética do Trega no desenrolo das carreiras populares que terá lugar no Porto da Guara e dende alí sairán os participantes da andaina e da carreira habitual dos 10 km. Como novidade os nenos tamén poderán participar segundo a idade e cun circuíto propio. Haberá medallas para os tres primeiros clasificados de cada categoría.

A finalidade deste evento deportivo é a solidariedade coas familias sen recursos en datas tan sensibles como o nadal. Todos os alimentos entregados serán repartidos entre as familias con necesidade de Cruz Vermella, Conrazones, San Vicente Paul e Banco de alimentos do Concello da Guarda.

A inscrición é gratuíta e cada participante aportará os alimentos perecedoiros e non perecedoiros que desexe. En especial agradécese a entrega de leite, azucre, cacao, chocolate, conservas, embutidos, aceite e produtos envasados ó vacío.

Todos aqueles interesados en colaborar na doazón de alimentos poden entregar a súa aportación durante o transcurso do evento. Non é preciso inscribirse para colaborar.

A inscrición pódese realizar directamente cumprimentando os datos requiridos no enlace www.reunalia.com/1792751.

HORA  APROX.	CATEGORÍAS Feminina e masculina	DATA NACEMENTO	DISTANCIA APROX.
10:00	ANDAINA	Non é competitiva	10 km
10:20	INTANTIL	2003/2002	3 km
	CADETES	2001/2000
10:40	JÚNIOR	1999/98/97/96	10 km
	SÉNIOR	1995 e anteriores
10:45	ALEVÍNS	2005/2004	1 km
10:55	BENXAMÍNS	2007/2006	500 m
11:00	PREBENXAMÍNS	2009/2008	500 m
11:05	PULGAS	2011/2010	100 m