O Castelo de Santa Cruz acollerá o XVI Torneo de Xadrez do Concello da Guarda.
O campionato está organizado polo Club de Xadrez Albatros en colaboración co Concello da Guarda e promovido pola Federación galega de Xadrez dentro do desenvolvemento do XI Circuíto Galego Xadrez Promoción 2016.
Todos os rapaces e adultos que o desexen poden participar nas diferentes categorías: SUB-8, SUB-10, SUB-12, SUB-14 e Adultos. Ademais, haberá premios para os cinco primeiros nas categorías infantís, e tres na dos adultos; nos momentos de descanso os rapaces e rapazas poderán participar nas actividades lúdicas e culturais que propoña o concello e, para rematar o torneo, celebrarase un sorteo de agasallos.
O campionato dará comezo sobre as once da mañá e rematará, segundo o previsto, sobre as oito da tarde tras a entrega de premios e o sorteo.
Para inscribirse ao torneo tan só hai que dirixirse á páxina webwww.xadrezalbatros.com e encher os datos para acceder ó listado que se pechará esta noite as 22.00 h
