Novos éxitos paara o Club de Judo Do Majó
Na supercopa de España disputada o pasado fin de semana en Avilés os judokas do Club Do Majó conseguiron, unha vez máis, importantes éxitos deportivos: na categoría infantil Verónica Pérez Pacheco medalla de ouro e Iago Álvarez un meritorio quinto posto. En categoría cadete Carlos Reboredo consiguiu a medalla de bronce afianzándose entre os tres mellores do ranking nacional. En categoría junior Brais Pereira consiguiu tamén a medalla de bronce.
II TRAIL DO TREGA
Volve o Trail do Trega.Participa connosco na II edición do Trail do Trega, achégate A Guarda o 29 de novembro para paraticipar nesta carreira pedestre de 18km.
Máis informació en: info@galimiting.com
ESCOLAS DEPORTIVAS MUNICIPAIS
Mañán comezan as escolas municipais deportivas organizadas polo Concello da Guarda. A baloncesto e pádel súmaselle patinaxe artístico, promovida esta última pola Deputación de Pontevedra.
TECLA CADILLA ACEVEDO SUBCAMPIONA DE EUROPA JUNIOR E BRAIS PEREIRA COA SELECCIÓN A RUSIA
A judoka guardesa do clube de judo DO-MAJO conseguiu o sábado 18 en Oberwart proclamarse SUBCAMPIONA DE EUROPA JUNIOR de judo na categoría de -57kg . No seu primeiro combate enfrontouse a judoka Bezalel (ISR) Nº 39 do Ranking Mundial a que venceu por Ippon máxima puntuación ,no segundo combate enfrontouse a ucraniana Skora, Nº 46 do Ranking Mundial, que vence dun Wazari e un yuko, no combate de semifinais ante a judoka holandesa Karthaus (NED) que é a Nº 1 do Ranking Mundial e bronce europeo junior, conseguiu gañar de IPPON meténdose así na final, na que se enfrentou a rumana Dobre, Nº 7 do Ranking Mundial combate moi axustado pero no cal Tecla non consigue marcar quedando no segundo lugar demostrando moitas opcións de medalla no próximo mundial que se celebra en Abu Dhabi o próximo mes de Outubro . Dende o club se quere agradecer o traballo feito por os seus adestradores Marcial Romero e Mónica Pacheco así como todo o apoio recibido por a federación Galega de Judo.
O xove judoka do clube judo Do-majo viaxou o pasado sábado 19 convocado por a selección española cadete a un torneo internacional que se celebrou en Chechenia nesta semana e se adestrará ata este sábado 26 de setembro.
Video promo da 15 K do Atlántico
O domingo 4 de outubro os concellos de Oia, O Rosal e A Guiarda acollerá unha nova edición da 15K do Atlántico. Infórmate en http://www.15kdelatlantico.com/
ESCOLAS DEPORTIVAS MUNICIPAIS
Xa está aberto o prazo das Escolas Deportivas Municipais, este ano contamos con pádel e baloncesto.
Máis informaciónen: deporte@aguarda.com Tel:986 61 00 00
VIII TORNEO DE VOLEI PRAIA "DESPIDE O VERÁN 2015"
Disputado esta fin de semana o VIII Torneo de Volei-praia "Despide o verán", xa temos os novos campións da Guarda, o título alzouno a parella formada por Lexo e Gabri nunha final moi disputada a tres sets contra os subcampións Koke e Diego, o resultado do encontro foi moi axustado.
1º SET: Koke-Diego 21 / Lexo-Gabri 14
2º SET: Koke-Diego 12 / Lexo-Gabri 21
3º SET: Koke-Diego 9 / Lexo-Gabri 15
Os terceiros e cuartos clasificados nesta orde son:
Rafa-Piño e Iago-Victor.
Dar as Gracias a todos os participantes e organizadores.
Vémonos o ano que ben.
1º TORNEO DE BALONCESTO DE VERÁN 3X3 "VILA DA GUARDA"
O pasado sábado tivo lugar o 1º torneo de baloncesto 3x3 disputado na vila da Guarda, o evento foi valorado moi positivamente por participantes e asistentes. O Torneo deixou un equipo gañador os Vikingos do Minho os que poderán disfrutar de unha viaxe as Cíes, moitos máis premios foron repartidos tanto a equipos, xogadores dos equipos e afeccionados. Gracias a todos pola participación e ata o ano que ven.
Para ver máis fotos pincha na galería das fotos.
PRACTICA IOGA NA GUARDA
Exitosas clases gratuitas de ioga na Guarda realizadas polo centro AWEN no puntal ás manás de 10:30 ás 11:30 e no montiño polas tardes de 20:00 ás 21:00. Martes e Xoves do 17 ó 31 de agosto, Se buscas relaxarte e pasar un bo rato anímate a participar.
PRESENTACIÓN DO GUARDÉS
Partido amistoso de presentación do equipo sénior do Club Sporting Guardés ante a súa afección. Será o sábado ás 19:15h frente o Erizana, coa entrada gratuita.
O partido coincidirá có final do partido que xogará ás 18:00h o Atlético Guardés de Balonmán femenino, tamén coa entrada gratuita, oferta deportiva para os seguidores e para pasar a tarde na Sangriña.
TORNEO DE BALONCESTO DE VERÁN 3X3 "VILA DA GUARDA"
Bases para o
1º Torneo de Baloncesto de verán 3x3 "Vila da Guarda"
VIII TORNEO DE VOLEY PRAIA
Hoxe ábrese o prazo para inxcribirse no VIII Torneo de Volei praia "Despide o verán" que se celebrará o próximo sábado día 29 e domingo 30 de agosto de 2015. O torneo será na praia da Lamiña, con equipos mixtos, masculinos ou femininos. A inscrición e Gratuita e doaranse aliento o Banco de alimentos da Guarda. Anímate a participar e despedir o verán.
IOGA NA GUARDA
Do 17 o 31 de agosto desfruta facendo Ioga na Guarda. Todos os Martes e Xoves de 10:30 a 11:30(Puntal) e de 20:00 a 21:00 (No Montiño). Actividade gratuíta, se podes leva unha manta ou esteira. Para máis información: Deporte@aguarda.es ou 676 620 247
TORNEO DE BALONCESTO DE VERÁN 3X3
ABERTO O PRAZO PARA PARTICIPAR NO PRIMEIRO TORNEO DE
BALONCESTO DE VERÁN 3X3 “VILA DA GUARDA”
O próximo sábado, 22 de agosto, celébrase, no espazo do Centro Cultural, o 1º Torneo de
Baloncesto de Verán 3X3 “Vila da Guarda”.
Todas aquelas persoas, e equipos, interesados en participar neste campionato poden
facer efectiva a súa inscrición a través da páxina: www.reunalia.com/90537 ou accedendo
o blog do Concello http://deporteaguarda.blogspot.com.es/ onde tamén está o enlace.
A inscrición é simbólica xa que, todos aqueles que participen deberán aportar algún
alimento que se depositará no banco de alimentos do Concello para posteriormente
repartilos entre aquelas familias que máis o precisen.
Ademais do torneo, que se xogará tanto pola mañá como pola tarde nas canchas no
centro cultural, tamén haberá música a cargo de “Dj Set”, diferentes postos de artesanía e
agasallos e sorteos tanto para os participantes no torneo coma para o público asistente.
Este evento está organizado pola Concellería de Deporte de Guarda coa colaboración de
máis dunha vintena de establecementos entre os que se atopan bares e diferentes tendas
guardesas.
FÚTBOL GAÉLICO
Este venres no Campo Municipal da Sangriña celebrarase unha xornada de FÚTBOL GAÉLICO, un deporte novo e espetacular do que todos os públicos poderán desfrutar. Anímate a probalo.
VERÁN-DEPORTIVO
O pasado Venres rematou o Verán-deportivo na Guarda, cunha grandísima satisfación por parte dos participantes e clubs, Con ambos estamos moi agradecidos, por facer posible este verán deportivo.
Vémonos o ano que ven.
III MÁSTER FUTBOLÍN
O vindeiros 15 e 16 de Agosto A Guarda acollerá o III Máster de Futbolín, competición que se desenvolverá no Liceo Artístico Guardés.
RESULTADOS DA TRAVESÍA A NADO
Xa podes ver todas as fotografías da XX travesía a nado, so tes que premer na GALERÍA DE FOTOS.
Gracias a todos por participar e parabéns para os gañadores.
XX TRAVESÍA A NADO
Aumentase o prazo de
inscrición da Travesía a nada ata mañá ás 12:00 horas,
Anímate a
participar
XX TRAVESÍA A NADO
A XX Edición da Travesía a Nado ó Porto da Guarda terá lugar o día 4 de xullo ás 18:00 horas, coincidindo unha vez máis coa Festa da Langosta e da Cociña Mariñeira. Podes realizar directamente a inscrición desde esta mesma páxina ou desde pinchando no seguinte enlace:http://www.reunalia.com/5244519
En http://www.aguarda.es/index.php/gl/novasdeporte/452 podes descargar as bases e autorizacións dos menores para participar neste evento.
INSCRICIÓN
5ª Andaina RUTA POLO MONTE DA FRACHA (Soutomaior -Pontevedra)
Unha vez máis os nosos veciños gozaron dunha sensacional andaina polo
monte da Fracha, unha andaina de 22km con vistas do maravilloso paisaxe e
un tempo que permitía ollar ata onde a vista alcanza.
Verán-deportivo
Se tes entre 8 e 16 anos, dende o Concello convidámoste o
VERÁN-DEPORTIVO, máis refrescante. Con moitas actividades como: vela,
kayak, hockey, remo, deportes variados e moito máis todo isto dende o 6
ata o 17 de Xullo,
¡¡¡AS INSCRICIÓNS XA ESTÁN ABERTAS!!!
Para obter as bases e inscrición preme no seguinte enlace:
A Roncadeira navega polo Miño
A Roncadeira, gamela adaptada para a práctica do deporte de vela por persoas con problemas de moobilidade, emprendeu a súa viaxe polas augas do Miño. O pasado sábado día 6 de xuño e rodeada dalgunhas das persoas que fixeron posible o proxecto Pablo, veciño da Guarda, navegaba a vela polo Miño na compañía de monitores do Club Alagua.
Curso de monitor de futbol base
Últimas prazas no curso de monitor de fútbol base, organizado pola Federación Galega de Fútbol, que vai ter lugar na Guarda. Día de comezo do curso: 27 de maio ás 20:00 horas na Escola de Oficios Manuel Portela.
Se queres ser entrenador pasa polo concello da Guarda ou polas oficinas do club de fútbol Sporting Guardés para recoller a túa inscripción. E se aínda tes dúbidas podes contactar con nós en: deporte@aguarda.es, en spguardes@yahoo.es ou nos teléfonos 629472972 e 986610000.
Andaina organizada por Unimiño
Uniminho organiza a 4ª Andaina "Ecotur" o 30 de maio entre VP de Áncora, A Guarda e O Rosal. Esta nova percorrera parte do Baixo Minho, comezado en Caminha e pasando por A Guarda para rematar no Rosal. A andaina conta co cruce do río Miño en Ferry e volta a Caminha en Autobús dende o Rosal. Todo aquel que queira participar deberá rexiztrarse nesta web: http://tecpro.com.pt/uniminho/home/
Éxitos para o Do Majó
O pasado 9 e 10 de maio o club de judo DO-MAJO estivo presente en dous eventos competitivos. Por un lado seis judokas do club competían en Jaca (Huesca) representando a selección galega no Campionado de España Infantil - Cadete de judo. Os nosos xóvenes judokas conseguiron demostrar que están entre os mellores .O resultado máis sorprendente foi a medalla de bronce acadada na categoría infantil de -48 kg da xovencísima judoka YOHANNA DACUÑA que gañou catro dos seus cinco combates cedendo só ante a que no fin se proclamaría campiona de España, demostrando que lle espera un gran futuro. Na categoría cadete de +90kg CARLOS REBOREDO tras realizar un bo campionato gañando tres dos cinco combates conseguindo así o quinto posto a pesar de que no seu terceiro combate sufriu una pequena lesión na clavícula .Na categoría cadete de -81 kg BRAIS PEREIRA judoka que nos ten acostumados a subir o podio en cada copa de España, nesta tempada non tivo o seu mellor día xa que era un dos favoritos a medalla mais só puido conseguir un 7 posto. Os demais compañeiros do equipo (Henar Baz, Jessy Vicente y Yahir Pena ) non pasaron da segunda ronda .Por outro lado 20 judokas da base do club viaxaban A Coruña para disputar o Torneo LICEO LA PAZ, torneo de gran prestixio onde participan judokas de toda Galicia e Portugal. Os participantes estiveron acompañados polos seguidores e dos seus adestradores Mónica Pacheco, Saúl Álvarez e a judoka guardesa TECLA Cadilla que estivo firmando autógrafos ós máis pequenos, detalle que nos alegra por ver que algúns si valoran seus méritos.Os resultados dos máis pequenos foron sobresaíntes; 11 dos 20 judokas conseguiron subir o podio, as medallas foron:
Medallas de ouro NEREA ROMERO / VERONICA PEREZ / MIGUEL PORTELA / IAGO ALVAREZ.
Medallas de prata: RUBEN RODRIGUEZ / VICTOR ADROVER / ADRIAN ROMERO.
Medallas de bronce: NOA GONZALEZ / ALBA GONZALEZ / PABLO CADILLA / ALEX DOMINGUEZ.
Nosos judokas de máis nivel prepáranse para participar nas próximas Copas de Europa o 24 de Maio Tecla Cadilla e Brais Pereira competirán na categoría júnior o 31 de Maio Brais Pereira e Carlos Reboredo en categoría cadete. Dende a directiva do club queren darlle os parabéns a cada un dos participantes e agradecer a confianza que poñen no traballo realizado tanto coa base como cos maiores.
Para ver máis imaxes: https://www.facebook.com/pages/Deporte-A-Guarda/395864893949587?ref=hl
Suscribirse a:
Entradas (Atom)